Familljemass vum 17 Juni 2018

Kommiounskanner vun der Par Ëlwen-Wäisswampech spenden 2050 Euro un d’Associatioun Rokku Mi Rokka (Give and Take)

 Mat dem Lidd „Einfach genial, dass es dich gibt“ hunn den Adesso, Canto dos Anjos an Chorale Sainte Cécile vu Wilwerdang Familljemass dëse Sonnden ugefaange.

No der Begréissung duerch de Paschtouer Michel Meyer hunn dräi Kanner an engem Dialog de Sënn vum Mateneen a Fireneen erkläert. Och sinn Talenter, déi an ons alleguer schlummeren, vun de Kanner an engem Sketch virgespillt an d’Leit invitéiert ginn déi Talenter an hiren deeglechen Liewen anzesetzen. Duerno sinn déi Talenter op een Ziedel opgeschriwwen an un e Bam an der Mëtt vun der Kierch opgehaange ginn.

E Scheck mat der stolzer Zomme vun 2050 Euro ass un Associatioun  Rokku Mi Rokka iwwerreecht ginn. Doduerch hunn Kommiounskanner hir Solidaritéit mat hiren Alterskollegen aus dem Senegal manifestéiert. Marlyn, Carmaen an d’Heidi vun Rokku Mi Rokka hunn de Scheck mat engem grousse Merci entgéint geholl, awer och hir Aarbecht am Senegal mat de behënnerten Kanner mëttels enger Presentatioun an der Kierch erkläert. Als Merci huet all Kand eng CD Iwwerrescht krut.

Et sief drun erënnert dass Familljemassen an der Familljekierch zu Wilwerdang vun der Equip Famillegottesdingschr EWe  preparéiert ginn.

 

Mammendag 2018 bei Gaart an Heem Wilwerdang

Gaart an Heem vu Wilwerdang hunn dëst Joer hir Member op eng Hameschmier den 16te Juni agelueden.

Villmools Merci fir de schéinen Owend.

 

Familljemass

Familljemass zu Wilerdang

Schéin ass haut Statue vun der Muttergottes vun der Kommiounskanner dekoréiert ginn.

An dat am Zeechen dass eng Kommunioun net nëmmen fir deen Dag beschenkt ze ginn, mee fir déi Léift erëm ze ginn an hei symbolesch un Muttergottes.

Karfeiden

Vill Kanner hunn sech mat hiren Elteren an och Grousselteren an der Kierch zu Wilwerdang afond.

Esou ewéi e Weesskär stierwe muss fir dass eng nei Planz sech entwéckele kann, esou ass och dem chrëschtlechen Glawen no de Jesus um Kräiz fir all Mënschen gestuerwen.

Ganz beandrockend ass praktesch an engem „Gäertchen“ gewise ginn, ewéi sech Planzen am Laf vun der Zäit entwéckelen.

Den Doud schafft Liewen an Liewen geet en Kéier op en Ënn. Dat ass déi eenzeg zukünfteg Gewëssheet am Liewen.

Fréijoersimpressiounen

Zimlecht Fréijoerswieder war et haut an Natur erwächt esou lues aus hirem Wanterschlof.

Esouguer de puer Beien hunn hir éischt Fluchversich ënnerholl